aandhi mein charagh jal rahe hain

Akhtar Hoshiyarpuri

aandhi mein charagh jal rahe hain

Akhtar Hoshiyarpuri

MORE BY Akhtar Hoshiyarpuri

    āñdhī meñ charāġh jal rahe haiñ

    kyā log havā meñ pal rahe haiñ

    ai jaltī ruto gavāh rahnā

    ham nañge paañv chal rahe haiñ

    kohsāroñ pe barf jab se pighlī

    dariyā tevar badal rahe haiñ

    miTTī meñ abhī namī bahut hai

    paimāne hunūz Dhal rahe haiñ

    kah de koī ke tā.eroñ se

    chyūñTī ke bhī par nikal rahe haiñ

    kuchh ab ke hai dhuup meñ bhī tezī

    kuchh ham bhī sharar ugal rahe haiñ

    paanī pe zarā sambhal ke chalnā

    hastī ke qadam phisal rahe haiñ

    kah de ye koī musāfiroñ se

    shaam aa.ī hai saa.e Dhal rahe haiñ

    gardish meñ nahīñ zamīñ 'aḳhtar'

    ham bhī dabe paañv chal rahe haiñ

    aandhi mein charagh jal rahe hain

    kya log hawa mein pal rahe hain

    ai jalti ruto gawah rahna

    hum nange panw chal rahe hain

    kohsaron pe barf jab se pighli

    dariya tewar badal rahe hain

    miTTi mein abhi nami bahut hai

    paimane hunuz Dhal rahe hain

    kah de koi ja ke taeron se

    chyunTi ke bhi par nikal rahe hain

    kuchh ab ke hai dhup mein bhi tezi

    kuchh hum bhi sharar ugal rahe hain

    pani pe zara sambhal ke chalna

    hasti ke qadam phisal rahe hain

    kah de ye koi musafiron se

    sham aai hai sae Dhal rahe hain

    gardish mein nahin zamin hi 'aKHtar'

    hum bhi dabe panw chal rahe hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites