aankh har shab ko andheron ki qaba dhoti hai
aañkh har shab ko añdheroñ kī qabā dhotī hai
ḳhvāb kī ret meñ sūraj kā shajar botī hai
ek gumnāmī kā jañgal huuñ jahāñ shakl mirī
apnī pahchān kā har naqsh-e-yaqīñ khotī hai
duur an-dekhī sī sarhad hai ki jis ke us paar
koī bastī hai jo rātoñ ko sadā rotī hai
sat.h-e-chādar pe shikan aur sar-e-bālīñ pe nasheb
ye to tanhā.ī hai bistar pe mire sotī hai
bhūlī-bisrī huī yādoñ kī ajab bhiiḌ hai jo
dil ke darvāze pe har shaam lagī hotī hai
aankh har shab ko andheron ki qaba dhoti hai
KHwab ki ret mein suraj ka shajar boti hai
ek gumnami ka jangal hun jahan shakl meri
apni pahchan ka har naqsh-e-yaqin khoti hai
dur an-dekhi si sarhad hai ki jis ke us par
koi basti hai jo raaton ko sada roti hai
sath-e-chadar pe shikan aur sar-e-baalin pe nasheb
ye to tanhai hai bistar pe mere soti hai
bhuli-bisri hui yaadon ki ajab bhiD hai jo
dil ke darwaze pe har sham lagi hoti hai
Source:
Simati Dhoop (Pg. 39)
- Author: Rifat Shamim's
-
- Edition: 2001
- Publisher: Qalam Publications
- Year of Publication: 2001
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
