aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aankh se is fikr mein hota nahin pani juda

Jawed Adil Sohavi

aankh se is fikr mein hota nahin pani juda

Jawed Adil Sohavi

MORE BYJawed Adil Sohavi

    aañkh se is fikr meñ hotā nahīñ paanī judā

    ek din ho jā.egī mujh se mirī beTī judā

    maujib-e-furqat vahāñ bhī dāna-e-gandum thā

    aur aksar yaañ bhī ham ko kartī hai roTī judā

    vādī-e-dil tak nazar aa.egī ik chhoTī lakīr

    kar rahe ho aañkh se tum jis tarah paanī judā

    bād-o-bārāñ ne bhī us se dil-lagī kyā ḳhuub

    jo uḌā kar le ga.iiñ chhatrī judā chunarī judā

    ḳhvāhishoñ par phir musallat ho ga.e duniyā ke ġham

    ho rahā hai dil se dhīre dhīre phir koī judā

    der se miltā hai jo rishtoñ ke mele meñ hameñ

    jaane ho jaatā hai kyoñ ham se vahī jaldī judā

    uḌ ga.iiñ murġhābiyāñ par us taraf baiThe hue

    ek laḌke ko sabhī se kar ga.ī golī judā

    barhamī rishtoñ shādī ke dinoñ meñ aam hai

    jo bhī kar lo paañv se hotī nahīñ pagḌī judā

    aankh se is fikr mein hota nahin pani juda

    ek din ho jaegi mujh se meri beTi juda

    maujib-e-furqat wahan bhi dana-e-gandum hi tha

    aur aksar yan bhi hum ko karti hai roTi juda

    wadi-e-dil tak nazar aaegi ek chhoTi lakir

    kar rahe ho aankh se tum jis tarah pani juda

    baad-o-baran ne bhi us se dil-lagi kya KHub ki

    jo uDa kar le gain chhatri juda chunari juda

    KHwahishon par phir musallat ho gae duniya ke gham

    ho raha hai dil se dhire dhire phir koi juda

    der se milta hai jo rishton ke mele mein hamein

    jaane ho jata hai kyon hum se wahi jaldi juda

    uD gain murghabiyan par us taraf baiThe hue

    ek laDke ko sabhi se kar gai goli juda

    barhami rishton ki shadi ke dinon mein aam hai

    jo bhi kar lo panw se hoti nahin pagDi juda

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now