aankh Tikti na thi chehre pe hasin aisa tha

aañkh Tiktī na thī chehre pe hasīn aisā thā

dil kī duniyā meñ koī jalva-nashīn aisā thā

dastaras meñ thī magar pā na sakā vo mujh ko

dil meñ ik umr se vo shaḳhs makīn aisā thā

ahd-o-paimāñ se mukarne kā salīqa thā use

detā rahtā thā dalīleñ vo zahīn aisā thā

ab to banjar huā vīrāñ huā barbād huā

ḳhitta-e-dil kabhī shādāb-zamīn aisā thā

mujh ko jāgīr samajhtā thā vo apnī jānāñ

maiñ usī kī huuñ use mujh pe yaqīn aisā thā

aankh Tikti na thi chehre pe hasin aisa tha

dil ki duniya mein koi jalwa-nashin aisa tha

dastaras mein thi magar pa na saka wo mujh ko

dil mein ek umr se wo shaKHs makin aisa tha

ahd-o-paiman se mukarne ka saliqa tha use

deta rahta tha dalilen wo zahin aisa tha

ab to banjar hua viran hua barbaad hua

KHitta-e-dil kabhi shadab-zamin aisa tha

mujh ko jagir samajhta tha wo apni jaanan

main usi ki hun use mujh pe yaqin aisa tha