aankh tishna bhi nahin honT sawali bhi nahin
aañkh tishna bhī nahīñ hoñT savālī bhī nahīñ
ye surāhī ki bharī bhī nahīñ ḳhālī bhī nahīñ
ham saḳhī dirham-o-dīnār liye phirte haiñ
shahr-e-nādār meñ ab koī savālī bhī nahīñ
kyuuñ girāne ke liye darpai āzār haiñ log
ham ne buniyād makāñ kī abhī Daalī bhī nahīñ
aisī makrūh kahānī kī ye tasvīr hai jo
sunñe vaalī bhī nahīñ dekhne vaalī bhī nahīñ
'mohsin'-ehsāñ kā hai andāz-e-junūñ sab se alag
ye jalālī bhī nahīñ hai ye jamālī bhī nahīñ
aankh tishna bhi nahin honT sawali bhi nahin
ye surahi ki bhari bhi nahin KHali bhi nahin
hum saKHi dirham-o-dinar liye phirte hain
shahr-e-nadar mein ab koi sawali bhi nahin
kyun girane ke liye darpai aazar hain log
hum ne buniyaad makan ki abhi Dali bhi nahin
aisi makruh kahani ki ye taswir hai jo
sunne wali bhi nahin dekhne wali bhi nahin
'mohsin'-ehsan ka hai andaz-e-junun sab se alag
ye jalali bhi nahin hai ye jamali bhi nahin
Source:
Sukhan sukhan mehtaab (Pg. 169)
- Author: Mohsin Ehsaan
-
- Edition: 2005
- Publisher: Aziz ahmed Khan
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
