aankhon ka shor KHun ki ganga utar gaya

āñkhoñ kā shor ḳhuun kī gangā utar gayā

is ġham ne kaaT khāyā ki dil be-hunar gayā

gul-mohr pe ḳhizāñ ne lagā.ī hai ġham kī muhr

tītar khañDar pe shāḳh kī siskārī bhar gayā

chhāñv meñ chāñd ke thā mire saath ek nuur

sūraj girā jo sar pe sitārā mukar gayā

dahkā rahī thī lafz ko lahje kī tez barf

ye munjamid charāġh kyā siine ko bhar gayā

phulvāriyoñ pe nuur kī titlī ne ghar kiyā

jugnū kañval kī shāḳh pe mahtāb dhar gayā

aankhon ka shor KHun ki ganga utar gaya

is gham ne kaT khaya ki dil be-hunar gaya

gul-mohr pe KHizan ne lagai hai gham ki muhr

titar khanDar pe shaKH ki siskari bhar gaya

chhanw mein chand ke tha mere sath ek nur

suraj gira jo sar pe sitara mukar gaya

dahka rahi thi lafz ko lahje ki tez barf

ye munjamid charagh kya sine ko bhar gaya

phulwariyon pe nur ki titli ne ghar kiya

jugnu kanwal ki shaKH pe mahtab dhar gaya