aankhon ko chamak chehre ko ek aab to dije

āñkhoñ ko chamak chehre ko ik aab to diije

jhūTā hī sahī aap koī ḳhvāb to diije

ham sañg-e-girāñ haiñ ḳhas-o-ḳhāshāk haiñ kyā haiñ

ma.alūm ho pahle koī sailāb to diije

ham jām-ba-kaf baiThe raheñ aur kahāñ tak

taqdīr meñ amrit nahīñ zahrāb to diije

ham ko bhī hai ye shauq ki Dūbeñ kabhī ubhreñ

ho gardish-e-ayyām kā girdāb to diije

mad.hosh na kar deñ jo zamāne ko to kahnā

hāthoñ meñ hamāre koī mizrāb to diije

marne kī havas hai hameñ dīvāne hue haiñ

jiine ke agar paas hoñ ādāb to diije

vīrānoñ ko gulshan hī banā.eñge 'matīn' ham

khilne zarā ik ġhuncha-e-shādāb to diije

aankhon ko chamak chehre ko ek aab to dije

jhuTa hi sahi aap koi KHwab to dije

hum sang-e-giran hain KHas-o-KHashak hain kya hain

malum ho pahle koi sailab to dije

hum jam-ba-kaf baiThe rahen aur kahan tak

taqdir mein amrit nahin zahrab to dije

hum ko bhi hai ye shauq ki Duben kabhi ubhren

ho gardish-e-ayyam ka girdab to dije

madhosh na kar den jo zamane ko to kahna

hathon mein hamare koi mizrab to dije

marne ki hawas hai hamein diwane hue hain

jine ke agar pas hon aadab to dije

viranon ko gulshan hi banaenge 'matin' hum

khilne zara ek ghuncha-e-shadab to dije