aankhon mein ashk aur na labon par hansi rahi

āñkhoñ meñ ashk aur na laboñ par hañsī rahī

duniyā hamāre haal ko chup dekhtī rahī

barsoñ hamāre saath ravāñ zindagī rahī

āḳhir ko ajnabī kī vahī ajnabī rahī

tujh ko jinhoñ ne sāhab-e-mahfil banā diyā

mahfil meñ terī sirf unhīñ kī kamī rahī

baiThe to ek paikar-e-fitna bane rahe

uTThe to aa ke saath qayāmat khaḌī huī

ahl-e-junūñ to is se bhī aage nikal ga.e

manzil ke fāsloñ ko ḳhirad nāptī rahī

duniyā ko Thokaroñ meñ rakhā jis ne dosto

qadmoñ meñ aise shaḳhs ke duniyā paḌī rahī

ḳhāmosh ham bhī sunte rahe apnī dāstāñ

duniyā baġhair naam liye boltī rahī

jab se ġhamoñ kī bhiiḌ meñ ham kho ga.e 'nasīb'

us roz se ḳhushī bhī hameñ DhūñDhtī rahī

aankhon mein ashk aur na labon par hansi rahi

duniya hamare haal ko chup dekhti rahi

barson hamare sath rawan zindagi rahi

aaKHir ko ajnabi ki wahi ajnabi rahi

tujh ko jinhon ne sahab-e-mahfil bana diya

mahfil mein teri sirf unhin ki kami rahi

baiThe to ek paikar-e-fitna bane rahe

uTThe to aa ke sath qayamat khaDi hui

ahl-e-junun to is se bhi aage nikal gae

manzil ke faslon ko KHirad napti rahi

duniya ko Thokaron mein rakha jis ne dosto

qadmon mein aise shaKHs ke duniya paDi rahi

KHamosh hum bhi sunte rahe apni dastan

duniya baghair nam liye bolti rahi

jab se ghamon ki bhiD mein hum kho gae 'nasib'

us roz se KHushi bhi hamein DhunDhti rahi