aankhon mein koi raat mukammal guzar gai

āñkhoñ meñ koī raat mukammal guzar ga.ī

aa.ī sahar hayāt 'azāboñ se bhar ga.ī

merī qabā-e-jān mirā jism hī to thā

kar ke supurd-e-ḳhāk badan jaañ kidhar ga.ī

va.adā kisī se kar na sake zindagī meñ ham

har baar ruuh vā’da-ḳhilāfī se Dar ga.ī

kho.e rahe ham us ke ḳhayāloñ meñ is tarah

hastī hī apnī dhyān se us ke utar ga.ī

majbūriyoñ kī aag meñ jaltā rahā magar

tārīḳh aadmī kī isī meñ sañvar ga.ī

'bebāk' ham ne ḳhvāb sajā.e to rāt-bhar

tā'bīr zulf-e-yār sī pal meñ bikhar ga.ī

aankhon mein koi raat mukammal guzar gai

aai sahar hayat 'azabon se bhar gai

meri qaba-e-jaan mera jism hi to tha

kar ke supurd-e-KHak badan jaan kidhar gai

wada kisi se kar na sake zindagi mein hum

har bar ruh wa’da-KHilafi se Dar gai

khoe rahe hum us ke KHayalon mein is tarah

hasti hi apni dhyan se us ke utar gai

majburiyon ki aag mein jalta raha magar

tariKH aadmi ki isi mein sanwar gai

'bebak' hum ne KHwab sajae to raat-bhar

ta'bir zulf-e-yar si pal mein bikhar gai