aankhon mein mere gham ki taswir sanjo loge

āñkhoñ meñ mire ġham kī tasvīr sañjo loge

ye baat na sochī thī dāman ko bhigo loge

tum tark-e-ta.alluq ko kyuuñ chehre pe likh laa.e

tum ne to kahā ye thā ye raaz na khologe

jab merā pata tum se pūchheñge galī vaale

kuchh kah to na pāoge palkoñ ko bhigo loge

sach-much ye batāo tum kyā mujh se bichhaḌ kar bhī

in hijr kī rātoñ meñ ārām se so loge

is bhiiḌ meñ logoñ kī maiñ ro bhī nahīñ saktā

ik tum ho ki chupke se tanhā.ī meñ ro loge

ye kaun hai jo 'ishrat' hai mere ta.āqub meñ

itnī baḌī duniyā meñ kis kis ko TaTologe

aankhon mein mere gham ki taswir sanjo loge

ye baat na sochi thi daman ko bhigo loge

tum tark-e-talluq ko kyun chehre pe likh lae

tum ne to kaha ye tha ye raaz na khologe

jab mera pata tum se puchhenge gali wale

kuchh kah to na paoge palkon ko bhigo loge

sach-much ye batao tum kya mujh se bichhaD kar bhi

in hijr ki raaton mein aaram se so loge

is bhiD mein logon ki main ro bhi nahin sakta

ek tum ho ki chupke se tanhai mein ro loge

ye kaun hai jo 'ishrat' hai mere taaqub mein

itni baDi duniya mein kis kis ko TaTologe