aankhon se dur subh ke tare chale gae

Shakeel Badayuni

aankhon se dur subh ke tare chale gae

Shakeel Badayuni

MORE BYShakeel Badayuni

    āñkhoñ se duur sub.h ke taare chale ga.e

    niiñd aa ga.ī to ġham ke nazāre chale ga.e

    dil thā kisī yaad meñ masrūf aur ham

    shīshe meñ zindagī ko utāre chale ga.e

    allāh re be-ḳhudī ki ham un ke rū-ba-rū

    be-iḳhtiyār unhī ko pukāre chale ga.e

    mushkil thā kuchh to aish baazī jītnā

    kuchh jītne ke ḳhauf se haare chale ga.e

    nākāmī-e-hayāt karte bhī kyā gila

    do din guzārnā the guzāre chale ga.e

    tarġhīb-e-tark-e-shauq ke parde meñ ġham-gusār

    har naqsh-e-ārzū ko ubhāre chale ga.e

    pahuñchā.ī kis ne dāvat-e-mai ahl-e-zohd ko

    shāyad tirī nazar ke ishāre chale ga.e

    vo dil harīf-e-jalva-e-firdaus ban gayā

    jis dil meñ tere ġham ke sharāre chale ga.e

    un ke baġhair ziist ba-har-hāl ziist thī

    jaisī guzārnī thī guzāre chale ga.e

    jalve kahāñ jo zauq-e-tamāshā nahīñ 'shakīl'

    nazreñ chalī ga.iiñ to nazāre chale ga.e

    aankhon se dur subh ke tare chale gae

    nind aa gai to gham ke nazare chale gae

    dil tha kisi ki yaad mein masruf aur hum

    shishe mein zindagi ko utare chale gae

    allah re be-KHudi ki hum un ke hi ru-ba-ru

    be-iKHtiyar unhi ko pukare chale gae

    mushkil tha kuchh to aish ki bazi ka jitna

    kuchh jitne ke KHauf se haare chale gae

    nakaami-e-hayat ka karte bhi kya gila

    do din guzarna the guzare chale gae

    targhib-e-tark-e-shauq ke parde mein gham-gusar

    har naqsh-e-arzu ko ubhaare chale gae

    pahunchai kis ne dawat-e-mai ahl-e-zohd ko

    shayad teri nazar ke ishaare chale gae

    wo dil harif-e-jalwa-e-firdaus ban gaya

    jis dil mein tere gham ke sharare chale gae

    un ke baghair zist ba-har-haal zist thi

    jaisi guzarni thi guzare chale gae

    jalwe kahan jo zauq-e-tamasha nahin 'shakil'

    nazren chali gain to nazare chale gae

    Videos
    This video is playing from YouTube

    Videos
    This video is playing from YouTube

    Begum Akhtar

    Begum Akhtar

    Source :
    • Book : Kulliyat-e-Shakiil Badaayuuni (Pg. 549)
    • Author : Shakiil Badaayuuni
    • Publication : Farid Book Depot (Pvt.) Ltd
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now