aankhon se yun charaghon mein Dali hai raushni

Shaheen Abbas

aankhon se yun charaghon mein Dali hai raushni

Shaheen Abbas

MORE BYShaheen Abbas

    āñkhoñ se yuuñ charāġhoñ meñ Daalī hai raushnī

    ham jaisī chāhte the banā hai raushnī

    dariyā ġhurūb hone chalā thā ki aaj raat

    ġharqāb kashtiyoñ ne uchhālī hai raushnī

    apnī nashist chhoḌ ke vaañ rakh diyā charāġh

    maiñ ne zamīn de ke bachā hai raushnī

    hāthoñ imtihān liyā saarī saarī raat

    sāñche meñ sub.h-o-shām ke Dhālī hai raushnī

    maiñ ne kanār-e-shām guzārī hai ek umr

    maiñ jāntā huuñ Dūbne vaalī hai raushnī

    kyā raakh gir rahī hai nazar muñDer se

    ḳhālī diyā hai aur ḳhayālī hai raushnī

    is baar tere ḳhvāb meñ rakkhā hai apnā ḳhvāb

    is baar raushnī meñ sambhālī hai raushnī

    aankhon se yun charaghon mein Dali hai raushni

    hum jaisi chahte the bana li hai raushni

    dariya ghurub hone chala tha ki aaj raat

    gharqab kashtiyon ne uchhaali hai raushni

    apni nashist chhoD ke wan rakh diya charagh

    main ne zamin de ke bacha li hai raushni

    hathon ka imtihan liya sari sari raat

    sanche mein subh-o-sham ke Dhaali hai raushni

    main ne kanar-e-sham guzari hai ek umr

    main jaanta hun Dubne wali hai raushni

    kya rakh gir rahi hai nazar ki munDer se

    KHali diya hai aur KHayali hai raushni

    is bar tere KHwab mein rakkha hai apna KHwab

    is bar raushni mein sambhaali hai raushni

    Source:

    • Book : shab khuun (rekhta website)(39) (Pg. 59)
    • Edition : 2005

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY