aansu baha ke dekh chuka kuchh hua nahin

aañsū bahā ke dekh chukā kuchh huā nahīñ

ḳhud ko miTā ke dekh liyā kuchh milā nahīñ

tā'mīr-e-zindagī ke liye kyā nahīñ kiyā

phir bhī ye e'tirāz ki kuchh bhī kiyā nahīñ

mujh ko mire ḳhudā se gile haiñ ka.ī magar

mujh ko mu'āshre se zarā bhī gila nahīñ

chaubīs saal ḳhatm hue 'umr ke magar

ghar se nikal ke chaar qadam maiñ chalā nahīñ

thī kaam kī talāsh mujhe ek 'umr se

lekin durust kaam kahīñ bhī milā nahīñ

'mahfūz' ek shaḳhs abhī tak jahāñ meñ hai

yā'nī vo nā-murād abhī tak marā nahīñ

aansu baha ke dekh chuka kuchh hua nahin

KHud ko miTa ke dekh liya kuchh mila nahin

ta'mir-e-zindagi ke liye kya nahin kiya

phir bhi ye e'tiraaz ki kuchh bhi kiya nahin

mujh ko mere KHuda se gile hain kai magar

mujh ko mu'ashre se zara bhi gila nahin

chaubis sal KHatm hue 'umr ke magar

ghar se nikal ke chaar qadam main chala nahin

thi kaam ki talash mujhe ek 'umr se

lekin durust kaam kahin bhi mila nahin

'mahfuz' ek shaKHs abhi tak jahan mein hai

ya'ni wo na-murad abhi tak mara nahin