aansu ki ek bund palak par jami rahi

aañsū kī ek buuñd palak par jamī rahī

phir us ke ba.ad saarī fazā shabnamī rahī

tark-e-ta.alluqāt meñ us kī ḳhatā bhī thī

thoḌī bahut vafā meñ idhar bhī kamī rahī

bādal ġhamoñ ke kab se baras kar chale ga.e

āñkhoñ meñ is sabab se abhī tak namī rahī

uupar se zaḳhm-e-hijr ko to ham ne bhar diyā

andar se kaifiyat to magar mātamī rahī

yārān-e-rafta yuuñ bhī bahut tez-gām the

aur ham chale to paañv kī gardish thamī rahī

aansu ki ek bund palak par jami rahi

phir us ke baad sari faza shabnami rahi

tark-e-talluqat mein us ki KHata bhi thi

thoDi bahut wafa mein idhar bhi kami rahi

baadal ghamon ke kab se baras kar chale gae

aankhon mein is sabab se abhi tak nami rahi

upar se zaKHm-e-hijr ko to hum ne bhar diya

andar se kaifiyat to magar matami rahi

yaran-e-rafta yun bhi bahut tez-gam the

aur hum chale to panw ki gardish thami rahi