aao ab mil ke gulistan ko gulsitan kar den

aao ab mil ke gulistāñ ko gulsitāñ kar deñ

har gul-o-lāla ko raqsāñ o ġhazal-ḳhvāñ kar deñ

aql hai fitna-e-bedār sulā deñ is ko

ishq kī jins-e-girāñ-māyā ko arzāñ kar deñ

dast-e-vahshat meñ ye apnā hī garebāñ kab tak

ḳhatm ab silsila-e-chāk-e-garebāñ kar deñ

ḳhūn-e-ādam pe koī harf na aane paa.e

jinheñ insāñ nahīñ kahte unheñ insāñ kar deñ

dāman-e-ḳhāk pe ye ḳhuun ke chhīñTe kab tak

inhīñ chhīñToñ ko bahisht-e-gul-o-raihāñ kar deñ

maah o anjum bhī hoñ sharminda-e-tanvīr 'majāz'

dasht-e-zulmāt meñ ik aisā charāġhāñ kar deñ

aao ab mil ke gulistan ko gulsitan kar den

har gul-o-lala ko raqsan o ghazal-KHwan kar den

aql hai fitna-e-bedar sula den is ko

ishq ki jins-e-giran-maya ko arzan kar den

dast-e-wahshat mein ye apna hi gareban kab tak

KHatm ab silsila-e-chaak-e-gareban kar den

KHun-e-adam pe koi harf na aane pae

jinhen insan nahin kahte unhen insan kar den

daman-e-KHak pe ye KHun ke chhinTe kab tak

inhin chhinTon ko bahisht-e-gul-o-raihan kar den

mah o anjum bhi hon sharminda-e-tanwir 'majaz'

dasht-e-zulmat mein ek aisa charaghan kar den