aao ab zabt aazmaen hum

aao ab zabt āzmā.eñ ham

ek duuje ko bhuul jaa.eñ ham

kyoñ na ik baar aisā vasl kareñ

jism ko duur chhoḌ aa.eñ ham

zindagī jab safar hai do din kā

kyoñ na ik ham-safar banā.eñ ham

ham ko apnī koī ḳhabar hī nahīñ

ḳhud ko kaise talāsh laa.eñ ham

baḌī mushkil se ek jaan milī

kaise is jaan ko gañvā.eñ ham

ḳhud-kushī kyoñ na is adā se kareñ

us kī āñkhoñ meñ Duub jaa.eñ ham

tum shikasta badan ho kyoñ 'kāshif'

ahl-e-duniyā ko kyā batā.eñ ham

aao ab zabt aazmaen hum

ek duje ko bhul jaen hum

kyon na ek bar aisa wasl karen

jism ko dur chhoD aaen hum

zindagi jab safar hai do din ka

kyon na ek ham-safar banaen hum

hum ko apni koi KHabar hi nahin

KHud ko kaise talash laen hum

baDi mushkil se ek jaan mili

kaise is jaan ko ganwaen hum

KHud-kushi kyon na is ada se karen

us ki aankhon mein Dub jaen hum

tum shikasta badan ho kyon 'kashif'

ahl-e-duniya ko kya bataen hum