aao kabhu to pas hamare bhi naz se

Meer Taqi Meer

aao kabhu to pas hamare bhi naz se

Meer Taqi Meer

MORE BYMeer Taqi Meer

    aao kabhū to paas hamāre bhī naaz se

    karnā sulūk ḳhuub hai ahl-e-niyāz se

    phirte ho kyā daraḳhtoñ ke saa.e meñ duur duur

    kar lo muvāfaqat kisū be-barg-o-sāz se

    hijrāñ meñ us ke zindagī karnā bhalā na thā

    kotāhī jo na hove ye umr-e-darāz se

    mānind-e-sub.ha uqde na dil ke kabhū khule

    apnā kyuuñ ki uchTe na roze namāz se

    kartā hai chhed chhed hamārā jigar tamām

    vo dekhnā tirā mizha-e-nīm-bāz se

    dil par ho iḳhtiyār to hargiz na kariye ishq

    parhez kariye is maraz-e-jāñ-gudāz se

    aage bichhā ke natā ko laate the teġh o tasht

    karte the yaanī ḳhuun to ik imtiyāz se

    maane hoñ kyuuñ ki girya-e-ḳhūnīñ ke ishq meñ

    hai rabt-e-ḳhās chashm ko ifshā-e-rāz se

    shāyad sharāb-ḳhāne meñ shab ko rahe the 'mīr'

    khele thā ek muġhbacha mohr-e-namāz se

    aao kabhu to pas hamare bhi naz se

    karna suluk KHub hai ahl-e-niyaz se

    phirte ho kya daraKHton ke sae mein dur dur

    kar lo muwafaqat kisu be-barg-o-saz se

    hijran mein us ke zindagi karna bhala na tha

    kotahi jo na howe ye umr-e-daraaz se

    manind-e-subha uqde na dil ke kabhu khule

    ji apna kyun ki uchTe na roze namaz se

    karta hai chhed chhed hamara jigar tamam

    wo dekhna tera mizha-e-nim-baz se

    dil par ho iKHtiyar to hargiz na kariye ishq

    parhez kariye is maraz-e-jaan-gudaz se

    aage bichha ke nata ko late the tegh o tasht

    karte the yani KHun to ek imtiyaz se

    mane hon kyun ki girya-e-KHunin ke ishq mein

    hai rabt-e-KHas chashm ko ifsha-e-raaz se

    shayad sharab-KHane mein shab ko rahe the 'mir'

    khele tha ek mughbacha mohr-e-namaz se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY