aao patjhaD mein kabhi haal hamara dekho

aao patjhaḌ meñ kabhī haal hamārā dekho

ḳhushk pattoñ ke sulagne kā tamāshā dekho

paas aa kar mire baiTho mujhe apnā samjho

jab bhī rūThī huī yaado mujhe tanhā dekho

phuul har shāḳh pe khilte haiñ bikhar jaate haiñ

kyā tamāshā hai sar-e-naḳhl-e-tamannā dekho

kabhī ham-rañg-e-zamīñ hai kabhī ham-dosh-e-falak

kohsāroñ se uchhaltā huā dariyā dekho

khultī jaatī hai shafaq rañgī-e-ḳhūñ-tā-ba-sahar

shab ke siine meñ jo paivast hai neza dekho

yuuñ to ghar hī meñ simaT aa.ī hai duniyā saarī

ho mayassar to kabhī ghuum ke duniyā dekho

unhī āñkhoñ meñ utar jaatī hai har shaam 'jamīl'

unhī āñkhoñ se nikaltā hai saverā dekho

aao patjhaD mein kabhi haal hamara dekho

KHushk patton ke sulagne ka tamasha dekho

pas aa kar mere baiTho mujhe apna samjho

jab bhi ruThi hui yaado mujhe tanha dekho

phul har shaKH pe khilte hain bikhar jate hain

kya tamasha hai sar-e-naKHl-e-tamanna dekho

kabhi ham-rang-e-zamin hai kabhi ham-dosh-e-falak

kohsaron se uchhalta hua dariya dekho

khulti jati hai shafaq rangi-e-KHun-ta-ba-sahar

shab ke sine mein jo paiwast hai neza dekho

yun to ghar hi mein simaT aai hai duniya sari

ho mayassar to kabhi ghum ke duniya dekho

unhi aankhon mein utar jati hai har sham 'jamil'

unhi aankhon se nikalta hai sawera dekho