aap aate to baat banti bhi

aap aate to baat bantī bhī

aap rukte to haal kahte naañ

aap milte the jī rahe the ham

milte rahte to zinda rahte naañ

aap kā hijr sah liyā ham ne

ye qayāmat jo aap sahte naañ

aap kī god meñ jo sar hotā

phir mire ashk bhī to bahte naañ

mere pahlū meñ chain miltā thā

mere pahlū meñ aap rahte naañ

aap kahte ki lauT ā.ūñgā

aap ik baar to ye kahte naañ

ilm hotā ki aap guzreñge

ham to raste meñ baiThe rahte naañ

aap aate to baat banti bhi

aap rukte to haal kahte nan

aap milte the ji rahe the hum

milte rahte to zinda rahte nan

aap ka hijr sah liya hum ne

ye qayamat jo aap sahte nan

aap ki god mein jo sar hota

phir mere ashk bhi to bahte nan

mere pahlu mein chain milta tha

mere pahlu mein aap rahte nan

aap kahte ki lauT aaunga

aap ek bar to ye kahte nan

ilm hota ki aap guzrenge

hum to raste mein baiThe rahte nan