aap agar koshish farmate milte-julte aate jate

aap agar koshish farmāte milte-julte aate jaate

ḳhāmoshī se note dikhāte milte-julte aate jaate

gar ḳhvāhish hai promotion kī chorī-chorī boss se milte

daftar kā dastūr nibhāte milte-julte aate jaate

rāh-o-rasm se boss pighaltā lunch-o-dinner se aap kā hotā

ḳhud jaate yā use bulāte milte-julte aate jaate

sāmne us ke ban ke rahte bhīgī-billī aur chuġhad bhī

lekin pīchhe ro'b dikhāte milte-julte aate jaate

aap meñ gar himmat kī kamī thī phir to sahārā ġhair kā lete

us ke chamchoñ ko hī paTāte milte-julte aate jaate

ḳhālī mehnat aur diyānat afsar ko kyā lenā denā

ek minister dost banāte milte-julte aate jaate

pahle apne hathkandoñ se logoñ ko girvīda karte

leader kī phir dhauñs jamāte milte-julte aate jaate

afsar ko afsar hī samjho apnā 'nazar' vishvās yahī hai

shaan meñ us kī she'r sunāte milte-julte aate jaate

aap agar koshish farmate milte-julte aate jate

KHamoshi se note dikhate milte-julte aate jate

gar KHwahish hai promotion ki chori-chori boss se milte

daftar ka dastur nibhate milte-julte aate jate

rah-o-rasm se boss pighalta lunch-o-dinner se aap ka hota

KHud jate ya use bulate milte-julte aate jate

samne us ke ban ke rahte bhigi-billi aur chughad bhi

lekin pichhe ro'b dikhate milte-julte aate jate

aap mein gar himmat ki kami thi phir to sahaara ghair ka lete

us ke chamchon ko hi paTate milte-julte aate jate

KHali mehnat aur diyanat afsar ko kya lena dena

ek minister dost banate milte-julte aate jate

pahle apne hathkandon se logon ko girwida karte

leader ki phir dhauns jamate milte-julte aate jate

afsar ko afsar hi samjho apna 'nazar' wishwas yahi hai

shan mein us ki she'r sunate milte-julte aate jate