aap bik jaa.e koī aisā ḳharīdār na thā
mere yūsuf ke liye misr kā bāzār na thā
ḳhuuñ huā ashk banā aur mizha se Tapkā
dil ki lazzat-kash-e-rañgīnī-e-inkār na thā
mubtalā huuñ tirā jab se sanam-e-kufr-farosh
zulf-e-tā-dosh na thī dosh pe zunnār na thā
qissa-e-tūr kabhī gosh-e-haqīqat se suno
shauq-e-dīdār ba-juz hasrat-e-dīdār na thā
ġhāza-e-chehra-e-gul naqsh-o-nigār-e-hastī
koī qatra dil-e-ḳhūñ-gashta kā bekār na thā
le ga.ī vahshat-e-dil kal mujhe us aalam meñ
besh-az-nuqta jahāñ gumbad-e-dvvār na thā
lazzat-e-dard se vāqif thā dil-e-zār 'asar'
varna mar jaanā tire hijr meñ dushvār na thā
aap bik jae koi aisa KHaridar na tha
mere yusuf ke liye misr ka bazar na tha
KHun hua ashk bana aur mizha se Tapka
dil ki lazzat-kash-e-rangini-e-inkar na tha
mubtala hun tera jab se sanam-e-kufr-farosh
zulf-e-ta-dosh na thi dosh pe zunnar na tha
qissa-e-tur kabhi gosh-e-haqiqat se suno
shauq-e-didar ba-juz hasrat-e-didar na tha
ghaza-e-chehra-e-gul naqsh-o-nigar-e-hasti
koi qatra dil-e-KHun-gashta ka bekar na tha
le gai wahshat-e-dil kal mujhe us aalam mein
besh-az-nuqta jahan gumbad-e-dwwar na tha
lazzat-e-dard se waqif tha dil-e-zar 'asar'
warna mar jaana tere hijr mein dushwar na tha
Source:
Rooh-e-Ghazal,Pachas Sala Intekhab (Pg. 48)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.