aap dil ja kar jo zaKHmi ho to mizhgan kya kare

aap dil jā kar jo zaḳhmī ho to mizhgāñ kyā kare

koī rakh de paañv ḳhud ḳhār-e-muġhīlāñ kyā kare

rāt-din hai san.at-e-haq kis tarah badleñ sanam

rū-e-zebā kyā kare zulf-e-pareshāñ kyā kare

ruuh ghabrā ke chalī dekhā jo ham ko muztarib

mezbāñ ho jab pareshāñ rah ke mehmāñ kyā kare

dam nahīñ tan se nikaltā kaT chukā bilkul galā

saḳht-jānī ko hamārī teġh-e-jānāñ kyā kare

tīra-baḳhtī se hai shikva muflisī se hai gila

raushnī mumkin nahīñ shām-e-ġharībāñ kyā kare

zaḳhm-e-dil gahrā bahut hai kis tarah Tāñkā lage

yaañ rafū kī jā nahīñ tār-e-garebāñ kyā kare

apnī vahshat se hai shikva dūsre se kyā gila

ham se jab baiThā na jaa.e kū-e-jānāñ kyā kare

aap dil ja kar jo zaKHmi ho to mizhgan kya kare

koi rakh de panw KHud KHar-e-mughilan kya kare

raat-din hai sanat-e-haq kis tarah badlen sanam

ru-e-zeba kya kare zulf-e-pareshan kya kare

ruh ghabra ke chali dekha jo hum ko muztarib

mezban ho jab pareshan rah ke mehman kya kare

dam nahin tan se nikalta kaT chuka bilkul gala

saKHt-jaani ko hamari tegh-e-jaanan kya kare

tira-baKHti se hai shikwa muflisi se hai gila

raushni mumkin nahin sham-e-ghariban kya kare

zaKHm-e-dil gahra bahut hai kis tarah Tanka lage

yan rafu ki ja nahin tar-e-gareban kya kare

apni wahshat se hai shikwa dusre se kya gila

hum se jab baiTha na jae ku-e-jaanan kya kare