aap ka intiKHab achchhe hain

aap kā intiḳhāb achchhe haiñ

ham bure haiñ janāb achchhe haiñ

koī achchhā koī bahut achchhā

ham se to sab ḳharāb achchhe haiñ

jhuuT meñ 'āfiyat nahīñ miltī

sach ke vaqtī 'azāb achchhe haiñ

dostī meñ hisāb kam-zarfī

dushmanī meñ hisāb achchhe haiñ

in meñ bahte haiñ aas ke dariyā

dar-haqīqat sarāb achchhe haiñ

raqs karne lage haiñ ġham aur maiñ

jaam saaqī sharāb achchhe haiñ

in kī tā'bīr talḳh hai varna

zindagānī ke ḳhvāb achchhe haiñ

pahle kar lījiye hisāb kitāb

phir savāl-o-javāb achchhe haiñ

aisā qaht-ur-rijāl hai ki 'amar'

jo bhī haiñ dastyāb achchhe haiñ

aap ka intiKHab achchhe hain

hum bure hain janab achchhe hain

koi achchha koi bahut achchha

hum se to sab KHarab achchhe hain

jhuT mein 'afiyat nahin milti

sach ke waqti 'azab achchhe hain

dosti mein hisab kam-zarfi

dushmani mein hisab achchhe hain

in mein bahte hain aas ke dariya

dar-haqiqat sarab achchhe hain

raqs karne lage hain gham aur main

jam saqi sharab achchhe hain

in ki ta'bir talKH hai warna

zindagani ke KHwab achchhe hain

pahle kar lijiye hisab kitab

phir sawal-o-jawab achchhe hain

aisa qaht-ur-rijal hai ki 'amar'

jo bhi hain dastyab achchhe hain