aap ke ruKHsar angare nazar aane lage

aap ke ruḳhsār angāre nazar aane lage

ashk bhī TuuTe hue taare nazar aane lage

lāla-o-gul haiñ yaqīnan ḳhūn-e-nāhaq kī dalīl

jis taraf dekho jigar-pāre nazar aane lage

kal mujhe kāñToñ se nafrat gul se ulfat thī magar

aaj kāñTe bhī mujhe pyāre nazar aane lage

un ke raushan dil se merā dil munavvar ho gayā

is liye aib-o-hunar saare nazar aane lage

aa rahā hai is taraf shāyad koī sīmīñ badan

kyoñ ki ab pur-kaif nazzāre nazar aane lage

vo bhī hairāñ ho ga.e ashk-e-musalsal se mire

ḳhuun ke jab un ko favvāre nazar aane lage

bahr-e-zulmat par ziyā hone ko hai 'ḳhākī' tabhī

tīrgī maiñ nuur ke dhāre nazar aane lage

aap ke ruKHsar angare nazar aane lage

ashk bhi TuTe hue tare nazar aane lage

lala-o-gul hain yaqinan KHun-e-nahaq ki dalil

jis taraf dekho jigar-pare nazar aane lage

kal mujhe kanTon se nafrat gul se ulfat thi magar

aaj kanTe bhi mujhe pyare nazar aane lage

un ke raushan dil se mera dil munawwar ho gaya

is liye aib-o-hunar sare nazar aane lage

aa raha hai is taraf shayad koi simin badan

kyon ki ab pur-kaif nazzare nazar aane lage

wo bhi hairan ho gae ashk-e-musalsal se mere

KHun ke jab un ko fawware nazar aane lage

bahr-e-zulmat par ziya hone ko hai 'KHaki' tabhi

tirgi main nur ke dhaare nazar aane lage