aap kī mujh pe jab bhī navāzish huī
mujh pe sañg-e-malāmat kī bārish huī
zindagī bhar rahegī mujhe yaad vo
ishq meñ jo mirī āzmā.ish huī
merā bachpan mujhe yaad aane lagā
titliyoñ kī jahāñ bhī numā.ish huī
mere dāman pe kīchaḌ uchhaltā nahīñ
kyā ḳhabar kyā raqīboñ meñ sāzish huī
jhuuT to jhuuT thā jhuuT hī vo rahā
bārhā sach banāne kī koshish huī
zulf bikhrā.e vo baam par aa ga.e
jab suhānī rutoñ kī sifārish huī
kitnā bad-zauq shahr-e-ġhazal hai 'zafar'
bahre gūñge kī har sū satā.ish huī
aap ki mujh pe jab bhi nawazish hui
mujh pe sang-e-malamat ki barish hui
zindagi bhar rahegi mujhe yaad wo
ishq mein jo meri aazmaish hui
mera bachpan mujhe yaad aane laga
titliyon ki jahan bhi numaish hui
mere daman pe kichaD uchhalta nahin
kya KHabar kya raqibon mein sazish hui
jhuT to jhuT tha jhuT hi wo raha
barha sach banane ki koshish hui
zulf bikhrae wo baam par aa gae
jab suhani ruton ki sifarish hui
kitna bad-zauq shahr-e-ghazal hai 'zafar'
bahre gunge ki har su sataish hui
Source :
- Book : Tez Hawa ke Jhonke (Pg. 30)
- Author : Zafar Ansari Zafar
-
Publication : Maktaba Jamia , Jamia Nagar, New Delhi
(2009)
- Edition : 2009
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.