aap ki rahbari nahin hoti

aap kī rahbarī nahīñ hotī

zindagī zindagī nahīñ hotī

rū-ba-rū tum se gar nahīñ aate

dil kī dhaḌkan thamī nahīñ hotī

chāhe darvesh vo qalandar ho

ḳhvāhishoñ meñ kamī nahīñ hotī

zikr-e-jānāñ na jis meñ shāmil ho

bandagī bandagī nahīñ hotī

muḳhtalif hai mizāj donoñ kā

nasr meñ shā.erī nahīñ hotī

dil ke māroñ ko miltī jo manzil

to yahāñ ḳhud-kushī nahīñ hotī

vaqt rahte gale lagā lo tum

pyaar meñ be-ruḳhī nahīñ hotī

tum agar chhoḌ kar nahīñ jaate

ġham-zada zindagī nahīñ hotī

laakh koshish karūñ magar 'raushan'

dard-e-dil meñ kamī nahīñ hotī

aap ki rahbari nahin hoti

zindagi zindagi nahin hoti

ru-ba-ru tum se gar nahin aate

dil ki dhaDkan thami nahin hoti

chahe darwesh wo qalandar ho

KHwahishon mein kami nahin hoti

zikr-e-jaanan na jis mein shamil ho

bandagi bandagi nahin hoti

muKHtalif hai mizaj donon ka

nasr mein shaeri nahin hoti

dil ke maron ko milti jo manzil

to yahan KHud-kushi nahin hoti

waqt rahte gale laga lo tum

pyar mein be-ruKHi nahin hoti

tum agar chhoD kar nahin jate

gham-zada zindagi nahin hoti

lakh koshish karun magar 'raushan'

dard-e-dil mein kami nahin hoti