aapko mujhse mohabbat bhi nahin

aap ko mujh se mohabbat bhī nahīñ

aur ''nahīñ'' kahne kī jur.at bhī nahīñ

jaate haiñ mahfil se merī jā.iye

roknā kuchh merī fitrat bhī nahīñ

munhasir jis pe ho merī zindagī

tū ne kī aisī mohabbat bhī nahīñ

bevafā kī ham-rahī se fā.eda?

aur ab chalne kī himmat bhī nahīñ

jo kabhī dīvār pe laTkā.ī thī

ab tire kamre kī zīnat bhī nahīñ

maiñ kisī ko chhoḌ duuñ tere liye

tujh se kuchh aisī to qurbat bhī nahīñ

'ḳhushtar' is mehñdī lage hāthoñ kī ab

jaane kyuuñ pahlī sī rañgat bhī nahīñ

aap ko mujh se mohabbat bhi nahin

aur nahin kahne ki jurat bhi nahin

jate hain mahfil se meri jaiye

rokna kuchh meri fitrat bhi nahin

munhasir jis pe ho meri zindagi

tu ne ki aisi mohabbat bhi nahin

bewafa ki ham-rahi se faeda?

aur ab chalne ki himmat bhi nahin

jo kabhi diwar pe laTkai thi

ab tere kamre ki zinat bhi nahin

main kisi ko chhoD dun tere liye

tujh se kuchh aisi to qurbat bhi nahin

'KHushtar' is mehndi lage hathon ki ab

jaane kyun pahli si rangat bhi nahin