aapne jab kaha ki KHush hun main

aap ne jab kahā ki ḳhush huuñ maiñ

mujh ko aisā lagā ki ḳhush huuñ maiñ

aa.ina dekhtā huuñ hairat se

ḳhush hai ye aa.ina ki ḳhush huuñ maiñ

laakh samjhā rahā huuñ maiñ dil ko

dil nahīñ māntā ki ḳhush huuñ maiñ

jaane kyā kah rahā thā vo mujh se

maiñ ne bhī kah diyā ki ḳhush huuñ maiñ

dil to ye chāhtā thā vo bhī kahe

maiñ hī kahtā rahā ki ḳhush huuñ maiñ

ḳhush huuñ maiñ jis ke lauT aane se

vo nahīñ jāntā ki ḳhush huuñ maiñ

ab vo tujh se agar mirā pūchhe

tū bas itnā batā ki ḳhush huuñ maiñ

aur kyā chiiz hai ḳhushī 'momin'

ḳhush hai mujh se ḳhudā ki ḳhush huuñ maiñ

aap ne jab kaha ki KHush hun main

mujh ko aisa laga ki KHush hun main

aaina dekhta hun hairat se

KHush hai ye aaina ki KHush hun main

lakh samjha raha hun main dil ko

dil nahin manta ki KHush hun main

jaane kya kah raha tha wo mujh se

main ne bhi kah diya ki KHush hun main

dil to ye chahta tha wo bhi kahe

main hi kahta raha ki KHush hun main

KHush hun main jis ke lauT aane se

wo nahin jaanta ki KHush hun main

ab wo tujh se agar mera puchhe

tu bas itna bata ki KHush hun main

aur kya chiz hai KHushi 'momin'

KHush hai mujh se KHuda ki KHush hun main