aap se ho saka na gar kuchh aur

aap se ho sakā na gar kuchh aur

kījegā mat agar-magar kuchh aur

'ishq kā kārobār chal na sakā

dil-e-nākām kaam kar kuchh aur

'aql kā mashvara thā aur hī kuchh

faisla dil kā thā magar kuchh aur

un ke jalvoñ kī thī haqīqat kuchh

aa rahā thā magar nazar kuchh aur

hai ḳhizāñ bahr-e-ḳhār fasl-e-bahār

par guzartī hai phuul par kuchh aur

tere kūche kā qasd thā varna

ham nahīñ hote dar-ba-dar kuchh aur

āḳhirash tere dar pe ā.eñge

log phir leñ idhar udhar kuchh aur

le ga.e lafz ham ko aur hī or

ḳhāma thāmā thā soch kar kuchh aur

'aam lagtā thā jab 'avām meñ thā

par jab aaya vo baam par kuchh aur

aap se ho saka na gar kuchh aur

kijega mat agar-magar kuchh aur

'ishq ka karobar chal na saka

dil-e-nakaam kaam kar kuchh aur

'aql ka mashwara tha aur hi kuchh

faisla dil ka tha magar kuchh aur

un ke jalwon ki thi haqiqat kuchh

aa raha tha magar nazar kuchh aur

hai KHizan bahr-e-KHar fasl-e-bahaar

par guzarti hai phul par kuchh aur

tere kuche ka qasd tha warna

hum nahin hote dar-ba-dar kuchh aur

aaKHirash tere dar pe aaenge

log phir len idhar udhar kuchh aur

le gae lafz hum ko aur hi or

KHama thama tha soch kar kuchh aur

'am lagta tha jab 'awam mein tha

par jab aaya wo baam par kuchh aur