aap yakta hue maza na hua

aap yaktā hue mazā na huā

lutf hī kyā jo dūsrā na huā

jaane kyā hotā hashr-e-zauq-e-nazar

ḳhair guzrī ki sāmnā na huā

vo shanāvar huuñ bahr-e-hastī meñ

jo kabhī sāhil-āshnā na huā

hausla rah gayā vafā kā mujhe

vo kabhī mā.il-e-jafā na huā

kyuuñ chamaktī hai barq nazd-e-qafas

ye bhī kyā merā āshiyāna huā

lutf uThātā kisī ke jalvoñ kā

dil mirā haa.e aa.ina na huā

shikva bedād kā to kyā 'maikash'

lab se naala bhī āshnā na huā

aap yakta hue maza na hua

lutf hi kya jo dusra na hua

jaane kya hota hashr-e-zauq-e-nazar

KHair guzri ki samna na hua

wo shanawar hun bahr-e-hasti mein

jo kabhi sahil-ashna na hua

hausla rah gaya wafa ka mujhe

wo kabhi mail-e-jafa na hua

kyun chamakti hai barq nazd-e-qafas

ye bhi kya mera aashiyana hua

lutf uThata kisi ke jalwon ka

dil mera hae aaina na hua

shikwa bedad ka to kya 'maikash'

lab se nala bhi aashna na hua