aapsi baaton ko aKHbar nahin hone diya
aapsī bātoñ ko aḳhbār nahīñ hone diyā
ham ne ye kamra havā-dār nahīñ hone diyā
bad-gumānī ko kiyā chaa.e pilā kar ruḳhsat
nāshte kā bhī talabgār nahīñ hone diyā
dil ke zaḳhmoñ kī ḳhabar hone na dī ashkoñ ko
ġham kā āñkhoñ se sarokār nahīñ hone diyā
saḳht lafzoñ meñ bhī detī hai mazā baat us kī
us ne lahje ko dil-āzār nahīñ hone diyā
rakh diye hoñToñ pe uñglī kī tarah hoñT us ne
ek shikva bhī numūdār nahīñ hone diyā
us ne nādān ho, kah kar hameñ uksāyā thā
umr bhar us ko samajhdār nahīñ hone diyā
chāhateñ pā.īñ haiñ 'mannān' vafāoñ ke tufail
jazba-e-ishq ko ayyār nahīñ hone diyā
aapsi baaton ko aKHbar nahin hone diya
hum ne ye kamra hawa-dar nahin hone diya
bad-gumani ko kiya chae pila kar ruKHsat
nashte ka bhi talabgar nahin hone diya
dil ke zaKHmon ki KHabar hone na di ashkon ko
gham ka aankhon se sarokar nahin hone diya
saKHt lafzon mein bhi deti hai maza baat us ki
us ne lahje ko dil-azar nahin hone diya
rakh diye honTon pe ungli ki tarah honT us ne
ek shikwa bhi numudar nahin hone diya
us ne nadan ho, kah kar hamein uksaya tha
umr bhar us ko samajhdar nahin hone diya
chahaten pain hain 'mannan' wafaon ke tufail
jazba-e-ishq ko ayyar nahin hone diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
