aarzu nakaam ho kar rah gai hai

aarzū nākām ho kar rah ga.ī hai

zindagī ilzām ho kar rah ga.ī hai

ḳhvāb ta.abīroñ ke ma.anī pūchhte haiñ

niiñd be-anjām ho kar rah ga.ī hai

yaad bhī qātil kī hai shamshīr qātil

raat ḳhūñ-āshām ho kar ga.ī hai

vaqt ne dastār kī sūrat badal dī

ab to ye ehrām ho kar rah ga.ī hai

zahr meñ Duubī huī ik muskurāhaT

maut kā paiġhām ho kar rah ga.ī hai

nāchtī haiñ dhaan ke khetoñ meñ pariyāñ

ye ghaTā in.aam ho kar rah ga.ī hai

guftugū-e-dil ba-unvān-e-mohabbat

sar-ba-sar ilzām ho kar rah ga.ī hai

gardish jām-o-subū ko kyā huā hai

gardish-e-ayyām ho kar rah ga.ī hai

aarzu nakaam ho kar rah gai hai

zindagi ilzam ho kar rah gai hai

KHwab tabiron ke mani puchhte hain

nind be-anjam ho kar rah gai hai

yaad bhi qatil ki hai shamshir qatil

raat KHun-asham ho kar gai hai

waqt ne dastar ki surat badal di

ab to ye ehram ho kar rah gai hai

zahr mein Dubi hui ek muskurahaT

maut ka paigham ho kar rah gai hai

nachti hain dhan ke kheton mein pariyan

ye ghaTa inam ho kar rah gai hai

guftugu-e-dil ba-unwan-e-mohabbat

sar-ba-sar ilzam ho kar rah gai hai

gardish jam-o-subu ko kya hua hai

gardish-e-ayyam ho kar rah gai hai