aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aarzu rakhna mohabbat mein baDa mazmum hai

Talib Baghpati

aarzu rakhna mohabbat mein baDa mazmum hai

Talib Baghpati

MORE BYTalib Baghpati

    Interesting Fact

    May 1927

    aarzū rakhnā mohabbat meñ baḌā mazmūm hai

    sun ki tark-e-ārzū 'ishq mafhūm hai

    un nigāhoñ ke tasādum se jo chingārī uThe

    'ishq us naam hai ye 'ishq mafhūm hai

    ab to ye armān hai armān paidā na hoñ

    go samajhtā huuñ ki ye ummīd bhī mauhūm hai

    vo khaḌe haiñ vo tasavvur ab tujhe maiñ kyā kahūñ

    aañkh mahv-e-dīd kar diid se mahrūm hai

    'ishq phir mahrūmiyāñ nākāmiyāñ barbādiyāñ

    merī qismat meñ jo likkhā hai mujhe mā'lūm hai

    maiñ tujhī ko dekhtā huuñ jalva-farmā har taraf

    mā-sivā tere mire nazdīk sab mā'dūm hai

    zindagī ko maut hai jab zindagī ḳhud ho fareb

    maut bhī goyā fareb-e-hastī-e-mauhūm hai

    'ishq meñ 'tālib' matā'-e-hosh kho kar ḳhush to ho

    us jo anjām hai vo bhī tumheñ mā'lūm hai

    aarzu rakhna mohabbat mein baDa mazmum hai

    sun ki tark-e-arzu hi 'ishq ka mafhum hai

    un nigahon ke tasadum se jo chingari uThe

    'ishq us ka nam hai ye 'ishq ka mafhum hai

    ab to ye arman hai arman hi paida na hon

    go samajhta hun ki ye ummid bhi mauhum hai

    wo khaDe hain wo tasawwur ab tujhe main kya kahun

    aankh mahw-e-did kar did se mahrum hai

    'ishq phir mahrumiyan nakaamiyan barbaadiyan

    meri qismat mein jo likkha hai mujhe ma'lum hai

    main tujhi ko dekhta hun jalwa-farma har taraf

    ma-siwa tere mere nazdik sab ma'dum hai

    zindagi ko maut hai jab zindagi KHud ho fareb

    maut bhi goya fareb-e-hasti-e-mauhum hai

    'ishq mein 'talib' mata'-e-hosh kho kar KHush to ho

    us ka jo anjam hai wo bhi tumhein ma'lum hai

    Source:

    Shakh-e-Nabat (Pg. 163)

    • Author: Talib Baghpati
      • Publisher: Munshi Har Parshad
      • Year of Publication: 1936
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now