aarzu thi to iztirab bhi tha

aarzū thī to iztirāb bhī thā

niiñd gahrī thī aur ḳhvāb bhī thā

ik bagūlā thā ret kā pīchhe

dasht meñ sāmne sarāb bhī thā

merī qismat ke sard hāthoñ meñ

mere hisse kā kuchh azaab bhī thā

ham-safar is safar meñ tū hī batā

kyā savāloñ kā kuchh javāb bhī thā

bazm meñ luT rahe the mīnā-o-jām

aur aadat kā vo ḳharāb bhī thā

saarī duniyā kā intiḳhāb thā vo

aur vo merā intiḳhāb bhī thā

thā kabhī vaqt jab hamārā dil

ik mahaktā huā gulāb bhī thā

khoī khoī sī us kī āñkhoñ meñ

mujh ko paane kā ik ḳhvāb bhī thā

zindagī thī khulī kitāb mirī

aur vo sāhib-e-kitāb bhī thā

aarzu thi to iztirab bhi tha

nind gahri thi aur KHwab bhi tha

ek bagula tha ret ka pichhe

dasht mein samne sarab bhi tha

meri qismat ke sard hathon mein

mere hisse ka kuchh azab bhi tha

ham-safar is safar mein tu hi bata

kya sawalon ka kuchh jawab bhi tha

bazm mein luT rahe the mina-o-jam

aur aadat ka wo KHarab bhi tha

sari duniya ka intiKHab tha wo

aur wo mera intiKHab bhi tha

tha kabhi waqt jab hamara dil

ek mahakta hua gulab bhi tha

khoi khoi si us ki aankhon mein

mujh ko pane ka ek KHwab bhi tha

zindagi thi khuli kitab meri

aur wo sahib-e-kitab bhi tha