aarzuon ka hasin paikar tarash

ārzūoñ kā hasīñ paikar tarāsh

ik sarāb-e-sub.h kā manzar tarāsh

ik gharauñdā reg-e-sāhil se banā

barf ke patthar se ik dilbar tarāsh

dīda-e-namnāk se dariyā bahā

āh-e-sho.ala-bār se mahshar tarāsh

is hisār-e-zāt se bāhar nikal

gumbad-e-be-dar meñ tū ik dar tarāsh

bahr-e-ishrat meñ sadaf miltā nahīñ

qatra-e-ḳhūñ-nāb se gauhar tarāsh

teġh-e-zañg-ālūd ko phir aab de

jabr-o-istibdād ke phir sar tarāsh

tā.ir-e-ḳhvāhish kī lambī hai uḌaan

us ke bāl-o-par ko tū akasr tarāsh

aarzuon ka hasin paikar tarash

ek sarab-e-subh ka manzar tarash

ek gharaunda reg-e-sahil se bana

barf ke patthar se ek dilbar tarash

dida-e-namnak se dariya baha

aah-e-shoala-bar se mahshar tarash

is hisar-e-zat se bahar nikal

gumbad-e-be-dar mein tu ek dar tarash

bahr-e-ishrat mein sadaf milta nahin

qatra-e-KHun-nab se gauhar tarash

tegh-e-zang-alud ko phir aab de

jabr-o-istibdad ke phir sar tarash

tair-e-KHwahish ki lambi hai uDan

us ke baal-o-par ko tu akasr tarash