aarzuon ka hasin paikar tarash

ārzūoñ kā hasīñ paikar tarāsh

ik sarāb-e-sub.h kā manzar tarāsh

ik gharauñdā reg-e-sāhil se banā

barf ke patthar se ik dilbar tarāsh

dīda-e-namnāk se dariyā bahā

āh-e-sho’la-bār se mahshar tarāsh

is hisār-e-zāt se bāhar nikal

gumbad-e-be-dar meñ tū ik dar tarāsh

bahr-e-'ishrat meñ sadaf miltā nahīñ

qatra-e-ḳhūñ-nāb se gauhar tarāsh

rahnumā kī kajravī kā ġham na kar

ḳhud ġhubār-e-rāh se rahbar tarāsh

teġh-e-zang-ālūd ko phir aab de

jabr-o-istibdād ke phir sar tarāsh

tā.ir-e-ḳhvāhish kī hai lambī uḌaan

is ke bāl-o-par ko tū aksar tarāsh

aarzuon ka hasin paikar tarash

ek sarab-e-subh ka manzar tarash

ek gharaunda reg-e-sahil se bana

barf ke patthar se ek dilbar tarash

dida-e-namnak se dariya baha

aah-e-sho’la-bar se mahshar tarash

is hisar-e-zat se bahar nikal

gumbad-e-be-dar mein tu ek dar tarash

bahr-e-'ishrat mein sadaf milta nahin

qatra-e-KHun-nab se gauhar tarash

rahnuma ki kajrawi ka gham na kar

KHud ghubar-e-rah se rahbar tarash

tegh-e-zang-alud ko phir aab de

jabr-o-istibdad ke phir sar tarash

tair-e-KHwahish ki hai lambi uDan

is ke baal-o-par ko tu aksar tarash