aas jis ki jawan hoti hai

aas jis kī javān hotī hai

us kī ūñchī uḌaan hotī hai

jo qalam ābid-e-adab Thahrā

us kī hī ān-bān hotī hai

tiir lagtā hai dil ke Thiik uupar

jab nazar meñ kamān hotī hai

rañg taqdīr kā badal jaa.e

jab vafā mehrbān hotī hai

yaad aatī hai jis ghaḌī us kī

vo ghaḌī imtihān hotī hai

bin kahe bin sune ye dil samjhe

baat jo darmiyān hotī hai

bad-nasībī sukūn se so.e

jab savere azaan hotī hai

hai buland us kā parcham-e-qismat

jis pe tū mehrbān hotī hai

vo hī chhūte haiñ āsmāñ 'panchhī'

jin paroñ meñ bhī jaan hotī hai

aas jis ki jawan hoti hai

us ki unchi uDan hoti hai

jo qalam aabid-e-adab Thahra

us ki hi aan-ban hoti hai

tir lagta hai dil ke Thik upar

jab nazar mein kaman hoti hai

rang taqdir ka badal jae

jab wafa mehrban hoti hai

yaad aati hai jis ghaDi us ki

wo ghaDi imtihan hoti hai

bin kahe bin sune ye dil samjhe

baat jo darmiyan hoti hai

bad-nasibi sukun se soe

jab sawere azan hoti hai

hai buland us ka parcham-e-qismat

jis pe tu mehrban hoti hai

wo hi chhute hain aasman 'panchhi'

jin paron mein bhi jaan hoti hai