aas ke dip ba-juz tere bujha baiThe hain

aas ke diip ba-juz tere bujhā baiThe haiñ

dar pe tere jo liye harf-e-duā baiThe haiñ

dil to pahle hī gayā thā tirī āvāz ke saath

tujh ko dekhā hai to āñkheñ bhī gañvā baiThe haiñ

tujh se ma.ānī kā taqāzā bhī nahīñ kar sakte

dil kī shāḳhoñ se bhī alfāz uḌā baiThe haiñ

saath chalne se gurezāñ haiñ isī vāste ham

dhoka pahle bhī kisī shaḳhs se khā baiThe haiñ

ab to chahkeñge ḳhamoshī meñ bhī lafzoñ ke parind

tere hoñToñ kī muñDeroñ pe jo aa baiThe haiñ

tum ko aanā jo nahīñ thā to batā hī dete

ham yūñhī ghar ke dar-o-bām sajā baiThe haiñ

ham bhī kyā log haiñ taz.īn-e-chaman kī ḳhātir

bel ākās kī peḌoñ pe chaḌhā baiThe haiñ

ham sulagte haiñ kisī aur chitā meñ 'ahsan'

apne dāman meñ koī aag chhupā baiThe haiñ

aas ke dip ba-juz tere bujha baiThe hain

dar pe tere jo liye harf-e-dua baiThe hain

dil to pahle hi gaya tha teri aawaz ke sath

tujh ko dekha hai to aankhen bhi ganwa baiThe hain

tujh se maani ka taqaza bhi nahin kar sakte

dil ki shaKHon se bhi alfaz uDa baiThe hain

sath chalne se gurezan hain isi waste hum

dhoka pahle bhi kisi shaKHs se kha baiThe hain

ab to chahkenge KHamoshi mein bhi lafzon ke parind

tere honTon ki munDeron pe jo aa baiThe hain

tum ko aana jo nahin tha to bata hi dete

hum yunhi ghar ke dar-o-baam saja baiThe hain

hum bhi kya log hain tazin-e-chaman ki KHatir

bel aakas ki peDon pe chaDha baiThe hain

hum sulagte hain kisi aur chita mein 'ahsan'

apne daman mein koi aag chhupa baiThe hain