aasan zindagani ka koi safar nahin

āsān zindagānī kā koī safar nahīñ

manzil hai rāsta hai magar rāhbar nahīñ

jis ke ḳhayāl-o-ḳhvāb meñ duniyā se kaT gayā

us ko mire vajūd kī koī ḳhabar nahīñ

rānā.i-e-jamāl hai mauzū-e-guftugū

hālāt-e-hāzira pe tumhārī nazar nahīñ

ye raqs-e-tīrgī hai yā me.arāj-e-zindagī

mahfūz koī gaañv koī rahguzar nahīñ

ye roz-o-shab kī saarī tag-o-dau fuzūl hai

gar zindagī ke baab meñ soz-e-jigar nahīñ

gauhar-shanās bazm se shāyad ki jā chuke

kyoñ aaj koī qīmat-e-dast-e-hunar nahīñ

jis ko har ek shaḳhs hī nā-mo'tabar lage

'ajmal' mirī nigāh meñ vo mo'atabar nahīñ

aasan zindagani ka koi safar nahin

manzil hai rasta hai magar rahbar nahin

jis ke KHayal-o-KHwab mein duniya se kaT gaya

us ko mere wajud ki koi KHabar nahin

ranai-e-jamal hai mauzu-e-guftugu

haalat-e-hazira pe tumhaari nazar nahin

ye raqs-e-tirgi hai ya mearaj-e-zindagi

mahfuz koi ganw koi rahguzar nahin

ye roz-o-shab ki sari tag-o-dau fuzul hai

gar zindagi ke bab mein soz-e-jigar nahin

gauhar-shanas bazm se shayad ki ja chuke

kyon aaj koi qimat-e-dast-e-hunar nahin

jis ko har ek shaKHs hi na-mo'tabar lage

'ajmal' meri nigah mein wo mo'atabar nahin