aasaniyon ki rah khuli mushkilon ke baad

āsāniyoñ kī raah khulī mushkiloñ ke baa'd

ghar lauTnā nasīb huā gardishoñ ke baa'd

aise hī nā-umīd nahīñ ho ga.e haiñ ham

aayā hai ye maqām bahut koshishoñ ke baa'd

jaate nahīñ ham ab haram-o-dair kī taraf

is rāste pe aa.e haiñ gumrāhiyoñ ke baa'd

fauran qubūliyat kā sharaf baḳhshte nahīñ

vo baat mānte haiñ baḌī minnatoñ ke baa'd

sargoshiyāñ sunā.ī na deñ kyoñ bhalā hameñ

suunā huā hai dil kā makāñ raunaqoñ ke baa'd

rahtā hai 'umr bhar vo tumhārī tarah 'sha'ūr'

jo aadmī sañbhal na sake Thokaroñ ke baa'd

aasaniyon ki rah khuli mushkilon ke ba'd

ghar lauTna nasib hua gardishon ke ba'd

aise hi na-umid nahin ho gae hain hum

aaya hai ye maqam bahut koshishon ke ba'd

jate nahin hum ab haram-o-dair ki taraf

is raste pe aae hain gumrahiyon ke ba'd

fauran qubuliyat ka sharaf baKHshte nahin

wo baat mante hain baDi minnaton ke ba'd

sargoshiyan sunai na den kyon bhala hamein

suna hua hai dil ka makan raunaqon ke ba'd

rahta hai 'umr bhar wo tumhaari tarah 'sha'ur'

jo aadmi sanbhal na sake Thokaron ke ba'd