aashiq dua kare to yahi ek dua kare

Shah Akbar Danapuri

aashiq dua kare to yahi ek dua kare

Shah Akbar Danapuri

MORE BYShah Akbar Danapuri

    āshiq duā kare to yahī ik duā kare

    do dil mileñ to phir na judā hoñ ḳhudā kare

    merī tarah tujhe bhī ḳhudā mubtalā kare

    merī nigāh terī nazar ho ḳhudā kare

    dil ho butoñ ke ishq se ḳhālī ḳhudā kare

    vo be-niyāz ab use be-mudda.ā kare

    dil jis ko chāhtā ho usī gila kare

    ye ishq hai to ham ko na aa.e ḳhudā kare

    vo do diloñ ko ek kare judā kare

    sab us ke haath meñ hai jo chāhe ḳhudā kare

    un bevafā butoñ se tabī.at uchaT ga.ī

    ab to ḳhudā se apnī lage lau ḳhudā kare

    ham bhī vafā kareñge hai jab tak ki dam meñ dam

    vo bhī jafā se baaz na aa.e ḳhudā kare

    merī shakl meñ ho to maiñ terī shakl meñ

    yuuñ merā terā vasl ho ai but ḳhudā kare

    āñkheñ milī hoñ rone ke vāste jise

    vo apne haal par jo na ro.e to kyā kare

    detī nahīñ javāb ye patthar mūrateñ

    kyā be-zabāñ butoñ se koī iltijā kare

    kahte haiñ dekh kar mujhe 'akbar' butān-e-hind

    gumrāh hai ye raah par aa.e ḳhudā kare

    aashiq dua kare to yahi ek dua kare

    do dil milen to phir na juda hon KHuda kare

    meri tarah tujhe bhi KHuda mubtala kare

    meri nigah teri nazar ho KHuda kare

    dil ho buton ke ishq se KHali KHuda kare

    wo be-niyaz ab use be-muddaa kare

    dil jis ko chahta ho usi ka gila kare

    ye ishq hai to hum ko na aae KHuda kare

    wo do dilon ko ek kare ya juda kare

    sab us ke hath mein hai jo chahe KHuda kare

    un bewafa buton se tabiat uchaT gai

    ab to KHuda se apni lage lau KHuda kare

    hum bhi wafa karenge hai jab tak ki dam mein dam

    wo bhi jafa se baz na aae KHuda kare

    tu meri shakl mein ho to main teri shakl mein

    yun mera tera wasl ho ai but KHuda kare

    aankhen mili hon rone hi ke waste jise

    wo apne haal par jo na roe to kya kare

    deti nahin jawab ye patthar ki muraten

    kya be-zaban buton se koi iltija kare

    kahte hain dekh kar mujhe 'akbar' butan-e-hind

    gumrah hai ye rah par aae KHuda kare

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now