عاشق حق ہیں ہمیں شکوۂ تقدیر نہیں
عاشق حق ہیں ہمیں شکوۂ تقدیر نہیں
پیچ قسمت کا کم از زلف گرہ گیر نہیں
بس کہ آہوں سے اسیروں کے بہے لخت جگر
بے نگیں آج کوئی خانۂ زنجیر نہیں
کشتنی پاس تو آ جائے مگر تیرے پاس
نیزہ و تیر ہی ہے دشنہ و شمشیر نہیں
سب کے اس عمر میں ہو جاتے ہیں ایسے ہی حواس
تجھ سے کچھ شکوہ ہمیں اے فلک پیر نہیں
گھر کی ویرانی کو کیا روؤں کہ یہ پہلے سے
تنگ اتنا ہے کہ گنجائش تعمیر نہیں
آدمیت نہیں تجھ میں یہ عدو کی ہے غرض
یوں پری کہنے میں مانا تری تحقیر نہیں
جنبش ابرو کو ہے لیکن نہیں عاشق پہ نگاہ
تم کماں کیوں لئے پھرتے ہو اگر تیر نہیں
ہمت مرغ سحر خوان کا ہوں قائل کہ اسے
نالے سے زمزمہ مقصود ہے تاثیر نہیں
اپنے استاد کے انداز پہ میرا ہے کلام
مجھ کو ناظمؔ ہوس پیروئی میرؔ نہیں
مأخذ:
Deewan-e-Nazim (Pg. ebook-97 page-98)
- مصنف: سید یوسف علی خاں ناظم
-
- اشاعت: 1915
- ناشر: الناظر پریس، لکھنؤ
- سن اشاعت: 1915
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
