āshiq-e-zār huuñ dīvāna huuñ
maiñ bhī ik sham.a kā parvāna huuñ
ḳhāna-ābād junūñ kī daulat
bā.is-e-raunaq-e-vīrāna huuñ
yaad rakhtā hai mujhe kam koī
maiñ dam-e-ḳhvāb kā afsāna huuñ
us se har ek ko apnāyat hai
kaun kahtā hai maiñ begāna huuñ
loTnā ashk kā maiñ siine par
jāntā bāzī-e-tiflāna huuñ
'muntazir' roz-e-azal se maiñ to
vālih-e-jalva-e-jānāna huuñ
aashiq-e-zar hun diwana hun
main bhi ek shama ka parwana hun
KHana-abaad junun ki daulat
bais-e-raunaq-e-virana hun
yaad rakhta hai mujhe kam koi
main dam-e-KHwab ka afsana hun
us se har ek ko apnayat hai
kaun kahta hai main begana hun
loTna ashk ka main sine par
jaanta bazi-e-tiflana hun
'muntazir' roz-e-azal se main to
walih-e-jalwa-e-jaanana hun
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.