aashiq ke liye hijr ka aazar kahan tak

āshiq ke liye hijr kā āzār kahāñ tak

dukh sahtā rahe aap kā bīmār kahāñ tak

āḳhir ye sitam charḳh-e-jafākār kahāñ tak

jhele maraz-e-hijr dil-e-zār kahāñ tak

ho jaa.e lab-e-bām se ab jalva-numā.ī

baiThā rahūñ āḳhir pas-e-dīvār kahāñ tak

dekhūñ jo kabhī aao sū-e-gor-e-garībāñ

jī uThte haiñ murde dam-e-raftār kahāñ tak

aatā nahīñ ab koī ayādat ko bhī ai dil

bahlāte bhalā baiTh ke ġham-ḳhvār kahāñ tak

sajde hī kī ḳhū Dālūñ ki maqbūl ho ḳhidmat

baiThā rahūñ dar par tire bekār kahāñ tak

karnā na 'haqīr' ābla-pā.ī kī shikāyat

dekho to rah-e-ishq hai dushvār kahāñ tak

aashiq ke liye hijr ka aazar kahan tak

dukh sahta rahe aap ka bimar kahan tak

aaKHir ye sitam charKH-e-jafakar kahan tak

jhele maraz-e-hijr dil-e-zar kahan tak

ho jae lab-e-baam se ab jalwa-numai

baiTha rahun aaKHir pas-e-diwar kahan tak

dekhun jo kabhi aao su-e-gor-e-gariban

ji uThte hain murde dam-e-raftar kahan tak

aata nahin ab koi ayaadat ko bhi ai dil

bahlate bhala baiTh ke gham-KHwar kahan tak

sajde hi ki KHu Dalun ki maqbul ho KHidmat

baiTha rahun dar par tere bekar kahan tak

karna na 'haqir' aabla-pai ki shikayat

dekho to rah-e-ishq hai dushwar kahan tak