aashiq samajh rahe hain mujhe dil lagi se aap

Bekhud Dehlvi

aashiq samajh rahe hain mujhe dil lagi se aap

Bekhud Dehlvi

MORE BY Bekhud Dehlvi

    āshiq samajh rahe haiñ mujhe dil lagī se aap

    vāqif nahīñ abhī mire dil lagī se aap

    dil bhī kabhī milā ke mile haiñ kisī se aap

    milne ko roz milte haiñ yuuñ to sabhī se aap

    sab ko javāb degī nazar hasb-e-mudda.ā

    sun liije sab baat na kiije kisī se aap

    marnā mirā ilaaj to be-shak hai soch luuñ

    ye dostī se kahte haiñ dushmanī se aap

    hogā judā ye haath na gardan se vasl meñ

    Dartā huuñ uḌ na jaa.eñ kahīñ nāzukī se aap

    zāhid ḳhudā gavāh hai hote falak par aaj

    lete ḳhudā naam agar āshiqī se aap

    ab ghūrne se fā.eda bazm-e-raqīb meñ

    dil par chhurī to pher chuke be-ruḳhī se aap

    dushman zikr kyā hai javāb us dījiye

    raste meñ kal mile the kisī aadmī se aap

    shohrat hai mujh se husn is mujhe hai rashk

    hote haiñ mustafīz mirī zindagī se aap

    dil to nahīñ kisī tujhe toḌte haiñ ham

    pahle chaman meñ pūchh leñ itnā kalī se aap

    maiñ bevafā huuñ ġhair nihāyat vafā shi.ār

    merā salām liije mileñ ab usī se aap

    aadhī to intizār meñ shab guzar ga.ī

    us par ye turra so bhī raheñge abhī se aap

    badlā ye ruup aap ne kyā bazm-e-ġhair meñ

    ab tak mirī nigāh meñ haiñ ajnabī se aap

    parde meñ dostī ke sitam kis qadar hue

    maiñ kyā batā.ūñ pūchhiye ye apne se aap

    ai shaiḳh aadmī ke bhī darje haiñ muḳhtalif

    insān haiñ zarūr magar vājibī se aap

    mujh se salāh na ijāzat talab huī

    be-vaj.h ruuTh baiThe haiñ apnī ḳhushī se aap

    'beḳhud' yahī to umr hai aish o nashāt

    dil meñ na apne tauba Thāneñ abhī se aap

    aashiq samajh rahe hain mujhe dil lagi se aap

    waqif nahin abhi mere dil ki lagi se aap

    dil bhi kabhi mila ke mile hain kisi se aap

    milne ko roz milte hain yun to sabhi se aap

    sab ko jawab degi nazar hasb-e-muddaa

    sun lije sab ki baat na kije kisi se aap

    marna mera ilaj to be-shak hai soch lun

    ye dosti se kahte hain ya dushmani se aap

    hoga juda ye hath na gardan se wasl mein

    Darta hun uD na jaen kahin nazuki se aap

    zahid KHuda gawah hai hote falak par aaj

    lete KHuda ka nam agar aashiqi se aap

    ab ghurne se faeda bazm-e-raqib mein

    dil par chhuri to pher chuke be-ruKHi se aap

    dushman ka zikr kya hai jawab us ka dijiye

    raste mein kal mile the kisi aadmi se aap

    shohrat hai mujh se husn ki is ka mujhe hai rashk

    hote hain mustafiz meri zindagi se aap

    dil to nahin kisi ka tujhe toDte hain hum

    pahle chaman mein puchh len itna kali se aap

    main bewafa hun ghair nihayat wafa shiar

    mera salam lije milen ab usi se aap

    aadhi to intizar hi mein shab guzar gai

    us par ye turra so bhi rahenge abhi se aap

    badla ye rup aap ne kya bazm-e-ghair mein

    ab tak meri nigah mein hain ajnabi se aap

    parde mein dosti ke sitam kis qadar hue

    main kya bataun puchhiye ye apne ji se aap

    ai shaiKH aadmi ke bhi darje hain muKHtalif

    insan hain zarur magar wajibi se aap

    mujh se salah li na ijazat talab hui

    be-wajh ruTh baiThe hain apni KHushi se aap

    'beKHud' yahi to umr hai aish o nashat ki

    dil mein na apne tauba ki Thanen abhi se aap

    RECITATIONS

    Nomaan Shauque

    Nomaan Shauque

    Nomaan Shauque

    aashiq samajh rahe hain mujhe dil lagi se aap Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites