aasman hai samundar pe chhaya hua
āsmāñ hai samundar pe chhāyā huā
is liye rañg paanī kā niilā huā
vaqt naddī kī mānind bahtā huā
ek lamha magar kyuuñ hai Thahrā huā
thā koī to jo dahlīz par dhar gayā
raat jaltī huī din dahaktā huā
gum-shuda shahr meñ DhūñDhtā huuñ kise
ek ik shakl ko yaad kartā huā
dhūp-jañgal meñ phir kho gayā hai koī
chāñd tāroñ ko āvāz detā huā
dhuup aur lū bharī thiiñ fazā.eñ magar
us kī yādoñ kā mausam thā bhīgā huā
sūrat-e-hāl ambar ajab chiiz hai
us ne dariyā kahā maiñ kināra huā
aasman hai samundar pe chhaya hua
is liye rang pani ka nila hua
waqt naddi ki manind bahta hua
ek lamha magar kyun hai Thahra hua
tha koi to jo dahliz par dhar gaya
raat jalti hui din dahakta hua
gum-shuda shahr mein DhunDhta hun kise
ek ek shakl ko yaad karta hua
dhup-jangal mein phir kho gaya hai koi
chand taron ko aawaz deta hua
dhup aur lu bhari thin fazaen magar
us ki yaadon ka mausam tha bhiga hua
surat-e-haal ambar ajab chiz hai
us ne dariya kaha main kinara hua
Source:
Mujalla Dastavez (Pg. 673)
- Author: Aziz Nabeel
-
- Edition: 2013-14
- Publisher: Edarah Dastavez
- Year of Publication: 2013-14
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
