aasman oDhe hue su-e-zamin hota hai

āsmāñ oḌhe hue sū-e-zamīñ hotā hai

'iid kā chāñd sitāroñ meñ nahīñ hotā hai

baa'z auqāt tujhe dekh ke jī uThte haiñ

baa'z auqāt to aisā bhī nahīñ hotā hai

tum ko is ḳhāna-e-vahshat meñ ḳhudā le aayā

shauq se kaun mire dil kā makīñ hotā hai

hijr meñ aañkh ke aañsū bhī du'ā hote haiñ

shauq meñ rashk bhī sajde kī jabīñ hotā hai

jab se pahnā hai in āñkhoñ pe basīrat kā libās

vo bhī dikhtā hai jo mumkin hī nahīñ hotā hai

ham ne dekhī haiñ vo bikhrī huī sāhir zulfeñ

ham se pūchho ki ye ġham kitnā hasīñ hotā hai

aasman oDhe hue su-e-zamin hota hai

'id ka chand sitaron mein nahin hota hai

ba'z auqat tujhe dekh ke ji uThte hain

ba'z auqat to aisa bhi nahin hota hai

tum ko is KHana-e-wahshat mein KHuda le aaya

shauq se kaun mere dil ka makin hota hai

hijr mein aankh ke aansu bhi du'a hote hain

shauq mein rashk bhi sajde ki jabin hota hai

jab se pahna hai in aankhon pe basirat ka libas

wo bhi dikhta hai jo mumkin hi nahin hota hai

hum ne dekhi hain wo bikhri hui sahir zulfen

hum se puchho ki ye gham kitna hasin hota hai