aasmanon ki bulandi se utar aaya hun

Syed Shiban Qadri

aasmanon ki bulandi se utar aaya hun

Syed Shiban Qadri

MORE BYSyed Shiban Qadri

    āsmānoñ bulandī se utar aayā huuñ

    ai zamīñ mujh ko sahārā de maiñ ghar aayā huuñ

    muddatoñ ba.ad pukārā mirī vahshat ne mujhe

    muddatoñ ba.ad maiñ sahrā meñ nazar aayā huuñ

    dekh rāhoñ meñ mirī ḳhaar bichhāne vaale

    maiñ udhar chhoḌ ke gulzār idhar aayā huuñ

    sañg hāthoñ meñ liye baiThe haiñ ahbāb yahāñ

    aur maiñ shānoñ pe sajā.e hue sar aayā huuñ

    chashm-e-hairat se jise dekhā karegī duniyā

    rañg aise tirī tasvīr meñ bhar aayā huuñ

    ḳhud ko chāhūñ bhī to ab dekh nahīñ pā.ūñgā

    apnī āñkheñ tirī dahlīz pe dhar aayā huuñ

    is qadar gahrā dhuñdalkā thā hunar rastoñ meñ

    baḌī mushkil se zamāne ko nazar aayā huuñ

    chaman-e-shā.irī chhā.ī thiiñ ḳhizā.eñ jis par

    le ke 'shībān' vahāñ maiñ gul-e-tar aayā huuñ

    aasmanon ki bulandi se utar aaya hun

    ai zamin mujh ko sahaara de main ghar aaya hun

    muddaton baad pukara meri wahshat ne mujhe

    muddaton baad main sahra mein nazar aaya hun

    dekh rahon mein meri KHar bichhane wale

    main udhar chhoD ke gulzar idhar aaya hun

    sang hathon mein liye baiThe hain ahbab yahan

    aur main shanon pe sajae hue sar aaya hun

    chashm-e-hairat se jise dekha karegi duniya

    rang aise teri taswir mein bhar aaya hun

    KHud ko chahun bhi to ab dekh nahin paunga

    apni aankhen teri dahliz pe dhar aaya hun

    is qadar gahra dhundalka tha hunar raston mein

    baDi mushkil se zamane ko nazar aaya hun

    chaman-e-shairi chhai thin KHizaen jis par

    le ke 'shiban' wahan main gul-e-tar aaya hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY