aasmanon sa khula-pan bhi mujhe chahiye hai
āsmānoñ sā khulā-pan bhī mujhe chāhiye hai
paañv thak jaa.eñ to maskan bhī mujhe chāhiye hai
dosto tum se umīdeñ to bahut kuchh thiiñ par ab
ek ma.aqūl sā dushman bhī mujhe chāhiye hai
qabl-e-manzil kahīñ luT jaane kī hasrat hai bahut
rāhbar hī nahīñ rahzan bhī mujhe chāhiye hai
mas.ale kam nahīñ vaise hī sulajhne ke liye
aur tirī zulf kī uljhan bhī mujhe chāhiye hai
vaqt ke saath badaltī nahīñ tahrīr-e-nihād
titliyāñ dekhūñ to bachpan bhī mujhe chāhiye hai
ab to is shart pe chāhūñ maiñ tire husn kī aañch
aag lag jaa.e to sāvan bhī mujhe chāhiye hai
aasmanon sa khula-pan bhi mujhe chahiye hai
panw thak jaen to maskan bhi mujhe chahiye hai
dosto tum se umiden to bahut kuchh thin par ab
ek maqul sa dushman bhi mujhe chahiye hai
qabl-e-manzil kahin luT jaane ki hasrat hai bahut
rahbar hi nahin rahzan bhi mujhe chahiye hai
masale kam nahin waise hi sulajhne ke liye
aur teri zulf ki uljhan bhi mujhe chahiye hai
waqt ke sath badalti nahin tahrir-e-nihad
titliyan dekhun to bachpan bhi mujhe chahiye hai
ab to is shart pe chahun main tere husn ki aanch
aag lag jae to sawan bhi mujhe chahiye hai
Source:
Kisht-e-Khayal (Pg. 64)
- Author: Izhar warsi
-
- Edition: 2008
- Publisher: M.R. Publications
- Year of Publication: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
