aasmanon se na utrega sahifa koi
āsmānoñ se na utregā sahīfa koī
ai zamīñ DhūñD le ab apnā masīhā koī
phir dar-e-dil pe kisī yaad ne dastak dī hai
phir bahā kar mujhe le jā.egā dariyā koī
ye to mahfil na huī maqtal-e-ehsās huā
aa.ina de ke mujhe le gayā chehra koī
kitne vīrān haiñ yādoñ ke dar-o-bām na pūchh
bhuul kar bhī idhar aayā na parinda koī
maiñ is āseb-zada shahr meñ kis se pūchhūñ
kyuuñ mire pīchhe lagā rahtā hai saayā koī
māñgtā hai mire a.amāl kā har roz hisāb
'kaif' jo mujh meñ rahā kartā hai mujh sā koī
aasmanon se na utrega sahifa koi
ai zamin DhunD le ab apna masiha koi
phir dar-e-dil pe kisi yaad ne dastak di hai
phir baha kar mujhe le jaega dariya koi
ye to mahfil na hui maqtal-e-ehsas hua
aaina de ke mujhe le gaya chehra koi
kitne viran hain yaadon ke dar-o-baam na puchh
bhul kar bhi idhar aaya na parinda koi
main is aaseb-zada shahr mein kis se puchhun
kyun mere pichhe laga rahta hai saya koi
mangta hai mere aamal ka har roz hisab
'kaif' jo mujh mein raha karta hai mujh sa koi
Source:
Dusre Din ka Suraj (Pg. 78 (e)77)
- Author: Indr Mohan Mehta Kaif
-
- Edition: 1998
- Publisher: Indr Mohan Mehta Kaif
- Year of Publication: 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
